Kooperatschon

Dütske Sellskup för Moor-un Törfkunde

De Dütske Sellskup för Moor-un Törfkunde (http://www.dgmtev.de) is ‘ne wäätenskuplick-technische Vereinigung, däi de Moor-un Törfforschung in aale Fäckdisziplinen un Spaorten fördern dait. De DGTM fleget de fäcklicken Kontakte tüsken Wäätenskup, Moor-un Naturschutz, de Industrie de den Törf affbaauet, aale Weertskupstöiger un de Behörden. De DGTM is in enkelde Sektionen updäilt, däi de fäcklicken Arbaiten äöwernäähmen dauet. De Leitung van Sektion 7 „Landeskunde-un Ümweltbeldung“ ligg in de Hände van de Museumsleitung van’n Äämsland Moormuseum.

Biedräge ut de Wäätenskup (uk Dissertatschonen un Diplomarbaiten), Dagungs-und Excursionsberichte un uk ännere Aktivitäten weerd elke Johr in de Szaitung TELMA affdrucket. De Wäätenskupsmitglieder, Universitäten, Behörden, Plaonungsbüros un de fräien Weertskupsunnernäähmen äöwernäähmet de Arbait in de enkelden Fäcksektionen. Äöwerregional bünt de DGTM-Mitglieder dör eere Mitgliedskup in den nationaolen Verband uk den Internationaolen Peat Society (IPS) änslaoten.

In Kooperatschon mit de DGTM söiket de Mitarbaiter van’n Äämsland Moormuseum siet äiniger Tied aale Aufsätze un de ümfangrieke Bibliografie van de TELMA-Johrgänge tauhope (aktuell Band 1/1971 bis Band 43/2013). De Öffentlichkeit häff so de Mäögelkeit, äöwer‘t Internet in de häile Literatur intaukieken. Dät gaiht äöwer de Stichwoortsöike un äöwer ’ne ümfangrieke Verschlagwoortung. Man känn aober uk bie de enkelden Fäcksektionen un bie de Themenfelder dät Söiken änfängen.

Link