Ingängshalle

De Ingängshalle is de eerste Änloppunkt för de Besöiker. Hier finnet man de Kasse, de Informatschon un de Stääe wor man wat kopen känn. Baauet häff man de Halle 1982, man siet 2005/2006 is et äin häil näimöidsket Huus. Utstellungshalle un de Utstellung up Duer bünt ümmebaauet worden un häbbt nu uk ‘ne Klimaänlaoge. Besünneren Wert häff man up den Barriere fräien Taugäng tau aale Utstellungsbereiche leggt. In de Utstellungshalle güff et äin Kino, dor passet 60 Besöiker rin. Man känn den Kinosaol uk för Vördräge bruken. Dät gelt uk för de Biblioteek van’n Museum.

De Utstellung up Duer is 800 m2 groot. Eer Thema is de Upsiedlung van de äämsländ’sken Moore in’t 18. un 19. Johrhunnert. Säi güff Utkunft doräöwer, wo de Siedler arbaitet un lääwet häbbt un säi wieset de weertskupslicken un soziokulturellen Merkmaole ut de domaolige Tied. Aober säi vertellt uk van den Törfaffbaau bis hen tau de Änfänge van de Törfwinnung mit Meschinen in dät frauhe 20. Johrhunnert. De Geschichte un de Moorflora un Moorfauna näähmet ‘nen bräiten Ruum unnen in’t Eerdgeschoss in.

webgroesse2009_03_09_ND33175-frühindustrialisierter Torfabbau Spitbagger_015 webgroesse2009_03_09_ND33187-vorindustrieller Torfabbau Stechmaschine_016