Utstellungshalle

Ausstellungshalle2

Ne twäide Utstellungshalle up ’t Gelände van’n Äämsland Moormuseum häff in’n Juni 2010 siene Porten lossmaoket. De Halle is barrierefräi un aale Etaogen käönt mit ’nen Fohrstauhl recket weern. De Utstellungsfläche van de Halle is 1600 m2 groot un häff ‘ne Klimaänlaoge. In de Midde van de Halle staiht dät indrucksvulle Grootgeräi van de Firma W. Ottomeyer. Dät bünt de Däipplaug „Mammut“, twäi Lokomobile un äin Mannschaftswagen.

De Utstellung trecket sück äöwer etlicke Etaogen un wieset up den Äämslandplaon hen, äin Ruumordnungsprogramm ut de 1950er un 1960er Johren. Äin Programm mit Utmaote, nich tau glöwen. In de högere Etaoge van düsse Halle schöllt boolde de Geschichte van de Törfindustrie siet ‘n Twäiden Weltkrieg un de Geschichte van’n Moorschutz mit de Moorforschung eere Stääen finnen. Un dänn güff et dortau noch ’ne 400 m2 groote Sünnerutstellungsfläche, wor verschaiden Maole in Johr Wesselutstellungen upbaauet weerd.