Butengelände

webgroesse000006_012webgroesse000023_013webgroesseKleiner_Strengebagger_014
Dät Butengelände van’n Äämsland Moormuseum is ’n heller mooien Landschaftsruum mit landweertskuplicke Stääen, Waldstriepen un äin denatureertet Hochmoor. Groot is dät Butengelände 30 ha. Äöwer Rasenwegge, Bohlenwegge un ‘ne 3,5 km lange Feldbaohntuur känn man de häile Gäägend gaud kennen leern. In’n Moore informeert äinige Plättformen ut Holt äöwer Moorflora/Moorfauna, äöwer Renatureerung van de Moore un wat dät Moor för use Klima bedüüet. In Noaberskup van de Ingangshalle ligget de Siedlerhoff mit Ställe, äin Buerngorden un hier finnet man uk ’ne Naotucht van bedrauhte Dieroorten. De „Gesellschaft bedrohter Haustierrassen (http://www.g-e-h.de) “ häff den Siedlerhoff äs Archehoff änerkennt. Dät Benthemer Landschaop, dät Bunte Benthemer Swien, de Westfäl’sken Dootleggerhöihner un de Diephölter Göse bünt hier in Huse.

Westlick in‘t Butengelände van’n Moormuseum staiht ‘n äinfaches Twäistänner-Fäckwärkhuus ut dät frauhe 19. Johrhunnert. In sücke Hüser lääwte in vlääten Tieden de twäide Generatschon van de Moorsiedler. Wörde ännerswor in de Region äin Hoff affbraoken, nöhm man de affdraogenen Fäckwärkbalken un baaude dorut ‘nen „näien“ slichten Hoff. In de Näöchte van dät olde Twäistännerhuus güff et äin Baukwäitenfeld, ‘nen Törfstääke un äin Immenschuur.

webgroesseMoormuseum_260308_0346_028

Renaturiertes Hochmoor im Moormuseum