Museumscafe

2011_06_07_ND32897
Egaol off Ih nao ’n Taufautegaohn, nao ‘ne Fietsentuur, äs Familgenutflugg off „nur so“ bie uss inkieket, wi maoket jauen Upentholt in’t Äämsland Moormuseum so häbbelk äs mäögelk. De Mitarbaiter van’n Museum antwortet geerne up aale Fraogen un helpet, wor et nur mäögelk is. In’n Museumscafe wachtet regionaole Spezialitäten up jau, de Baukwäitenpännekauken off de braoden Wösste van ‘t Benthemer Swien. S’naomiddaoges staiht alltied ’ne groote Kaukenutwaohl praot, un sönndaoges güff et Baukwäitentorte. Is dät Weer mooi un sünnig, locket buten de Bäiergorden un up de Kinner wachtet de Späälplatz.

Öffnungstieden van’n Cafe

Dät Cafe is loss van’n 1. April bis Ende Oktober 2014, alltied van Klock 12.00 bis Klock 17.00. De Bäiergorden is bie gaudet Weer bis Klock 18.00 loss. För ’ne Koppel güff et besünnere Tieden up Naofraoge.

2012_08_30_D3S4185

Uk all maol probeert?

Buchweizenpfannkuchen off „Baukwäiten-Jannhinnerk“

Wat dor rin höört:
500 g Baukwäitenmäähl
4 Aier
¾ l Koffi off Melkkoffi van’n Vördäg (in Ostfräisland nümmp man uk Täi)
Speck
Smolt
Sollt

Taurächtemaoken

Man nümmp dät Baukwäitenmäähl, den Koffi off Melkkoffi, de Aier un dät Sollt un maoket dorut ‘nen taohen Däig. De mott nu än de 5 Stunden biesiet stellt weern, dormit häi kwellen känn. Nao ’t Utkwellen güff man Smolt in ’ne Pänne un braoet dorin de dünnen Speckstriepen ut. Up de Speckstriepen güff man dänn äine Kelle Pännekaukendäig un braoet den Baukwäitenpännekauken up baide Sieten bruun ut.